Ռուսաստանը
մասնակցում է «3+3» ձևաչափին, և, իհարկե, այս պայմաններում մենք մտադիր չենք
Ռուսաստանի հետ որևէ սեղանի շուրջ նստել, ասել է Վրաստանում իշխող «Վրացական
երազանք» կուսակցությունից խորհրդարանի պատգամավոր Լևան Մաչավարիանին՝
մեկնաբանելով ՌԴ ԱԳ նախարար Սերգեյ Լավրովի խոսքերը առ այն, որ Վրաստանի համար
«3+3» ձևաչափով դռները բաց են, և «աթոռը սպասում է»:
Պատգամավորն
ընդգծել է, որ Վրաստանի մասնակցությունը քննարկման թեմա չէ:
«Մենք չունենք ոչ դիվանագիտական, ոչ այլ հարաբերություններ։ Նախ մենք պետք է լուծենք մեր տարածքային ամբողջականության հարցը, որից հետո կարող ենք սկսել քննարկումները, թե արդյոք կլինի՞
որևէ ձևաչափ»,- ասել է Մաչավարիանին:
