Մահացել է ամերիկացի
դերասան Ջին Հեքմենը. նա 95 տարեկան էր։ Նրա հետ մահացել է կինը՝ 63-ամյա
դաշնակահարուհի Բեթսի Արակավան։ Այս մասին հայտնում է The Guardian-ը՝ հղում անելով
շերիֆ Ադան Մենդոսայի հայտարարությանը։
Շերիֆի տեղեկություններով՝
դերասանի, նրա կնոջ և նրանց շան մարմինները հայտնաբերվել են փետրվարի 26-ին։
Փետրվարի 27-ի գիշերը ոստիկանությունը հաստատել է նրանց մահը։ Ողբերգության
պատճառներն ու ստույգ ժամը առայժմ հայտնի չեն։ Նախնական տեղեկություններով՝ բռնության
հետքեր չեն հայտնաբերվել, հայտնել է Մենդոսան։
Ջին Հեքմենը (ամբողջական
անունը՝ Յուջին Ալեն Հեքմեն) ականավոր ամերիկացի դերասան և գրող էր, ծնվել է 1930
թվականի հունվարի 30-ին։
Նրան անվանում
են 20-րդ դարի երկրորդ կեսի ամենահաջողակ և հայտնի դերասաններից մեկը։ Հեքմենը կրկնակի արժանացել է «Օսկար»-ի մրցանակի։
Բեթսի Արակավան Հեքմենի երկրորդ կինն էր։ Զույգն ամուսնացել է
1991թ.:
