Ստամբուլում Ռուսաստանի և ԱՄՆ պատվիրակությունների միջև բանակցությունները, որտեղ կողմերը քննարկում են դեսպանատների աշխատանքի հետ կապված խնդիրները, շարունակվում են ավելի քան երկու ժամ, հայտնում է ՏԱՍՍ-ը։

Հանդիպումը տեղի է ունենում Ստամբուլում ԱՄՆ գլխավոր հյուպատոսի նստավայրում՝ փակ ձևաչափով: Թե որքան է ծրագրված դրա տևողությունը՝ չի հայտարարվել։

Ռուսաստանի նախագահի մամուլի քարտուղար Դմիտրի Պեսկովը հայտնել է, որ Ստամբուլում ՌԴ և ԱՄՆ պատվիրակությունների բանակցությունների արդյունքների մասին տեղեկատվությունը կտրամադրվի իր ժամանակին. «Այժմ փորձագիտական ​​մակարդակով անցկացվում է հանդիպում Ստամբուլում, մեր դիվանագետներն աշխատում են այն ըմբռնման զարգացմամբ, որը ձեռք է բերվել երկու նախագահների հեռախոսազրույցում, և այն պայմանավորվածությունների, որ ձեռք են բերվել Էր Ռիադում բարձր մակարդակի պատվիրակությունների միջև: Առայժմ պետք չէ առաջ անցնել, բանակցությունների արդյունքների մասին այս կամ այն ​​կերպ տեղեկատվություն կտրամադրվի»։