Սանտա Ֆե քաղաքի ոստիկանությունը
Հոլիվուդի ամենապայծառ աստղ Ջին Հեքմենի և նրա տիկնոջ, ինչպես նաև նրանց շան մահը
համարում է կասկածելի և հետաքննություն պահանջող:
«[Մահվան հանգամանքները] բավական կասկածելի են և պահանջում են մանրակրկիտ ուսումնասիրություն
ու հետաքննություն»,- ասվում է Նյու Մեքսիկո նահանգի
Սանտա Ֆեում նրանց տան
խուզարկության օրդերում, որտեղ 95-ամյա Ջին Հեքմենը և նրա 63-ամյա կինը՝ Բեթսի Արակավան, մահացած էին հայտնաբերվել:
Միաժամանակ, ոստիկանությունը խոստովանում է, որ դեռևս
հանցագործության ակնհայտ նշաններ չեն հայտնաբերել։
Նախնական զննությունից հետո
ոստիկանությունը հանգել է այն եզրակացության, որ Հեքմենի և Արակավայի մարմինները
բավականին երկար ժամանակ են ընկած եղել այնտեղ։
«Կարծես թե նրանք վաղուց են մահացած եղել, բայց ես չեմ
ուզում գուշակել, թե որքան վաղուց է դա տեղի ունեցել»,- ասել է Սանտա Ֆե շրջանի
շերիֆ Էդան Մենդոսան մամուլի ասուլիսի ժամանակ:
«Հանցագործության անմիջական
նշաններ չկան, բայց մենք դա դեռ չենք բացառում։ Հետաքննությունը շարունակվում է,
բոլոր տարբերակները սեղանին են»,- հավելել է Մենդոսան։
