BBC News-ի լրագրող Լաուրա Քյունսբերգը
բրիտանացի այլ լրագրողների հետ մարտի 2-ի երեկոյան զրուցել է Ուկրաինայի նախագահ Վլադիմիր
Զելենսկու հետ Լոնդոնի Ստանսթեդ օդանավակայանում:
«Նա (Զելենսկին) ներողություն չի խնդրի Թրամփից կամ
ափսոսանք չի արտահայտի Օվալաձև կաբինետում տեղի ունեցածի համար՝ ի հեճուկս ԱՄՆ
նախագահի ճամբարից բազմիցս հնչած կոչերի»,- ասել է լրագրողը։ Նա նշել է, որ
ԶԼՄ-ների հետ շփվելու ընթացքում «Զելենսկու տոնայնության մեջ ոչինչ չկար, որը կվկայեր
հաշտվելու նրա շահագրգռվածության մասին»:
Զելենսկին լրագրողներին ասել է, որ երկար ճանապարհ է անցել
Սպիտակ տուն հասնելու համար, և նրա այցը եղել է հարգանքի նշան: Ուկրաինայի
նախագահը հավելել է, որ ինքը երբեք «ոչ մեկին չի վիրավորում», իսկ Սպիտակ տանը
տեղի ունեցածը ձեռնտու չէր կողմերից ոչ մեկին։
