Ռուսաստանի նախագահի մամուլի քարտուղար Դմիտրի Պեսկովը Ուկրաինայի նախագահ Վլադիմիր Զելենսկու վիճաբանությունն ԱՄՆ նախագահ Դոնալդ Թրամփի հետ անվանել է «աննախադեպ» իրադարձություն։ Նրա խոսքերը մեջբերում է «Ինտերֆաքս»-ը։
Պեսկովը հավելել է, որ այս հակամարտությունը ցույց է տալիս, թե «որքան դժվար կլինի մտնել Ուկրաինայի շուրջ կարգավորման տարածք», քանի որ «Կիևի ռեժիմը և Զելենսկին խաղաղություն չեն ուզում, նրանք ցանկանում են պատերազմի շարունակություն»։
«Եվ, իհարկե, Զելենսկին շատ առումներով ցույց տվեց, հավանաբար, դիվանագիտական կարողությունների ամբողջական բացակայություն»,- հավելել է Պեսկովը։
Նա նաև նշել է, որ
Կիևի և Վաշինգտոնի միջև տարաձայնությունների ֆոնին «հավաքական
Արևմուտքը մասամբ սկսել է կորցնել իր հավաքականությունը, սկսվել է հավաքական
Արևմուտքի մասնատումը, մի շարք երկրների և երկրների խմբերի դիրքորոշումների նրբերանգավորումը»։
