Ռուսաստանը ԱՄՆ-ին է ներկայացրել պահանջների ցուցակ՝ ռուս-ուկրաինական պատերազմին վերջ տալու համաձայնագրի և Մոսկվայի ու Վաշինգտոնի միջև հարաբերությունները վերբեռնելու հարցով, հայտնում է Reuters-ը՝ հղում անելով աղբյուրներին:

Նրանց խոսքով՝ Ռուսաստանի և ԱՄՆ ներկայացուցիչները այդ պահանջները քննարկել են վերջին երեք շաբաթների ընթացքում անհատական և առցանց հանդիպումների ժամանակ: Թե կոնկրետ ինչ է ներառել Մոսկվան այդ ցուցակում՝ պարզ չէ։

Աղբյուրները նշում են, որ Կրեմլի պայմանները նման են այն պահանջներին, որոնք Ռուսաստանը ավելի վաղ առաջադրել է Ուկրաինային, ԱՄՆ-ին և ՆԱՏՕ-ին։