ԱՄՆ նախագահ Դոնալդ Թրամփը հայտարարել է, որ մտադիր է Ռուսաստանի նախագահ
Վլադիմիր Պուտինի հետ զրուցել մարտի 18-ին, հայտնում է Reuters-ը։
«Ես երեքշաբթի կխոսեմ նախագահ Պուտինի հետ։ Հանգստյան օրերին շատ աշխատանք է
կատարվել»,- ասել է Թրամփը լրագրողներին Air Force One ինքնաթիռում:
«Մենք ուզում ենք տեսնել՝ արդյոք կարո՞ղ ենք վերջ տալ այս պատերազմին։ Գուցե մենք կարող ենք,
գուցե՝ ոչ, բայց ես կարծում եմ, որ մենք շատ լավ հնարավորություններ ունենք»,-
հավելել է Թրամփը։
