ԱՄՆ նախագահ Դոնալդ Թրամփը երեկ Սպիտակ տանը աշակերտների
և ուսուցիչների ներկայությամբ կազմակերպված արարողության ժամանակ ստորագրել է
հրաման կրթության դաշնային դեպարտամենտը (DoE) փաստացի լուծարելու մասին:
Այս որոշումը, ինչպես նշում է Reuters-ը, ուղիղ երկու
ամիս առաջ նախագահի պաշտոնը ստանձնած Թրամփի նախընտրական խոստումների մաս է եղել։
Հրամանով կրթության ոլորտի կառավարումը գրեթե
ամբողջությամբ հանձնվում է նահանգներին և տեղական խորհուրդներին: Գերատեսչությունն
ամբողջությամբ փակելու համար կպահանջի ԱՄՆ Կոնգրեսի համապատասխան ակտ, որի համար
Թրամփին ակնհայտորեն չեն բավարարի օրենսդիրների ձայները, գրում է Reuters-ը։
«Մենք պատրաստվում ենք կրթությունը հետ վերադարձնել,
շատ պարզ, այն նահանգներին, որտեղ և այն պետք է լինի», - հայտարարել է Թրամփը՝
որոշումը համարելով ճիշտ և հավելելով, որ այն պետք է իրականացվի որքան հնարավոր է
շուտ։
