Վաշինգտոնում Իսրայելի դեսպանատան երկու աշխատակցի են սպանել տեղի հրեական թանգարանի մոտ, հաղորդում է CNN-ը՝ հղում անելով ոստիկանությանը։
Ոստիկանությունը ձերբակալել է սպանության մեջ կասկածյալին, որը ճանաչվել է որպես Չիկագոյի 30-ամյա բնակիչ Էլիաս Ռոդրիգես։ Ձերբակալելիս նա բացականչել է՝ «Ազատություն Պաղեստինին»։ Ականատեսներից մեկը CNN-ին պատմել է, որ կրակողը իրեն ներկայացրել է որպես միջադեպի ականատես և ավելի քան 10 րոպե սպասել է, մինչև ոստիկանությունը ժամանել է դեպքի վայր։ Ձերբակալությունից հետո կասկածյալը հայտարարել է, որ «դա արել է հանուն Գազայի»։
ԱՄՆ-ում Իսրայելի դեսպան Իեխիել Լեյթերը հայտնել է, որ
մահացած տղամարդն ու կինը «երիտասարդ զույգ էին, որոնք պատրաստվում էին
նշանադրվել»։ ՄԱԿ-ում Իսրայելի մշտական ներկայացուցիչ Դենի Դանոնը հրաձգությունը անվանել
է «հակասեմական ահաբեկչության գարշելի ակտ»։
ԱՄՆ նախագահ Դոնալդ
Թրամփը ցավակցություն է հայտնել զոհվածների ընտանիքներին և հայտարարել, որ
«հակասեմականությունը, ատելությունն ու արմատականությունը տեղ չունեն Միացյալ
Նահանգներում»։
