Ռուսական կողմին պետք չէ համոզել Հայաստանի Սյունիքի մարզում գլխավոր հյուպատոսության աշխատանքները արագ մեկնարկելու անհրաժեշտության մեջ։ Այս մասին ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Նա հիշեցրել է, որ հյուպատոսության բացման հարցը մանրամասն քննարկվել է Ռուսաստանի արտաքին գործերի նախարար Սերգեյ Լավրովի՝ Հայաստան կատարած այցի ժամանակ։
«Առայժմ Կապանում Ռուսաստանի գլխավոր հյուպատոսությունը բացակայում է։ Իսկ թե ինչու՝ պաշտոնական պարզաբանումների համար պետք է դիմել հայկական կողմին»,- նշել է Զախարովան
