Լեռնային Ղարաբաղից բռնի տեղահանված անձանց մարդասիրական օգնության հերթական խմբաքանակը կփոխանցվի Ռուսաստանի մարդասիրական առաքելության (ՌՄԱ) կողմից։ Այս մասին այսօր կայացած ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

«Մարդասիրական օգնության տրամադրման հարցը ռուսական կողմի ուշադրության շրջանակներում է»,- վստահեցրել է Զախարովան։

Նրա խոսքով՝ հայկական կողմից այս խնդրով զբաղվում է ԱՆՕ «Եվրասիա» հանրապետական ​​մասնաճյուղը։

Զախարովան հիշեցրել է, որ ՌՄԱ-ն նախկինում արդեն մարդասիրական օգնություն ուղարկել է Հայաստան. «2023 թվականի հոկտեմբերին ղարաբաղցի տեղահանվածներին հասցվել է 6 տոննա պարենամթերք և անձնական հիգիենայի պարագաներ»։