Բժիշկները Ռուսաստանի ժողովրդական արտիստ Ֆիլիպ Կիրկորովի մոտ մաշկի մասնակի նեկրոզ են ախտորոշել։ Այս մասին գրել է Super.ru-ն՝ հղում կատարելով իր տրամադրության տակ գտնվող բժշկական տեղեկանքին։

«Փաստաթղթի համաձայն՝ արտիստը ստացել է երկրորդ աստիճանի այրվածք բարդացած բուրսիտով, մաշկի մասնակի նեկրոզով, բորբոքմամբ և ձախ կողմից՝ լիմֆադենոպաթիայով»,- նշվել է հրապարակման մեջ։

Հիշեցնենք, որ մայիսի 23-ին հաղորդվել էր, որ Կիրկորովը տեղափոխվել է շտապ վիրաբուժության բաժանմունք։ Mash-ը տեղեկացրել է, որ երգչի մոտ ախտորոշվել է բուրսիտ՝ հոդերի բորբոքում ձեռքի այրվածքից հետո, որը նա ստացել է ապրիլի վերջին, համերգի ժամանակ։