Իլոն Մասկը Կառավարության արդյունավետության դեպարտամենտի (DOGE) կուրատորի պաշտոնը թողնելուց հետո կշարունակի լինել ԱՄՆ նախագահ Դոնալդ Թրամփի խորհրդականը, և նրա սկսած աշխատանքը կշարունակվի։ Այս մասին հինգշաբթի օրը հայտարարել է ԱՄՆ փոխնախագահ Ջ.Դ.Վենսը։
«Մամուլի ջանքերը, որոնք ասում են, որ «Իլոնի (իշխանության ժամանակաշրջանը) ավարտվել է», բացարձակապես չեն համապատասխանում իրականությանը: Ակնհայտ է, որ նա աշխատանք ունի, նա պետք է վերադառնա դրան՝ իր ընկերությունները ղեկավարելու համար, բայց DOGE-ի ջանքերը կշարունակվեն, Իլոնը կշարունակի լինել կարևոր խորհրդական՝ իմ և նախագահի»,- ասել է քաղաքական գործիչը Newsmax հեռուստաալիքին տված հարցազրույցում։
Վանսը նաև «անհավանական» է անվանել Մասկի կատարած աշխատանքը, քանի որ, ըստ նրա, ձեռնարկատերը կարճ ժամանակահատվածում կարողացել է բացահայտել ավելի քան 170 միլիարդ դոլարի ավելորդ ծախսերը։
«Կառավարությունն ավելի արդյունավետ դարձնելու, պետական միջոցների անհիմն ծախսումները կանխելու աշխատանքները պետք է շարունակվեն»,- հավելել է փոխնախագահը։
