ՌԴ Անվտանգության խորհրդի փոխնախագահ Դմիտրի Մեդվեդևը հայտարարել է, որ Ռուսաստանը պատրաստ է նպաստել Թրամփի և Մասկի միջև հաշտեցմանը «ողջամիտ վարձատրության» դիմաց։ Քաղաքական գործիչը այս մասին գրել է X-ում։

Մեդվեդևը հայտարարել է, որ Ռուսաստանը պատրաստ է օգնել Թրամփի և Մասկի միջև խաղաղության համաձայնագրի կնքմանը Մասկին պատկանող Starlink գլոբալ արբանյակային կապի համակարգում բաժնեմասի դիմաց։ Մեդվեդևը նաև կոչ է արել գործարարներին չվիճել։ «Մենք պատրաստ ենք նպաստել D-ի և E-ի (Դոնալդ Թրամփի և Իլոն Մասկի) միջև խաղաղության համաձայնագրի կնքմանը ողջամիտ վարձատրության դիմաց և որպես վճար ընդունել Starlink-ի բաժնետոմսերը։ Մի՛ վիճեք, տղերք»,- գրել է Մեդվեդևը սոցիալական ցանցում։

Իսկ ՌԴ Պետդումայի միջազգային հարաբերությունների հարցերով կոմիտեի նախագահի առաջին տեղակալ Դմիտրի Նովիկովը հայտարարել է, որ Ռուսաստանը պատրաստ է քաղաքական ապաստան տրամադրել միլիարդատեր Իլոն Մասկին, որը նախորդ օրը հրապարակավ վիճաբանել էր ԱՄՆ նախագահ Դոնալդ Թրամփի հետ։

«Կարծում եմ, որ Մասկը խաղում է բոլորովին այլ խաղ, որ նրան ոչ մի քաղաքական ապաստան պետք չի լինի, չնայած եթե նա կարիք ունենար, Ռուսաստանը, իհարկե, կարող էր այն տրամադրել»,- ասել է Նովիկովը, մեջբերում է ՏԱՍՍ-ը։