ԱՄՆ նախագահ Դոնալդ Թրամփը ABC News-ի հետ զրույցում Իլոն Մասկին անվանել է մարդ, որը «թռցրել է խելքը»։ Հանրապետականի խոսքով՝ Մասկը ցանկանում է խոսել իր հետ, բայց ինքը դեռ պատրաստ չէ խոսել նրա հետ։

Ինչպես գրում է պարբերականը, հեռախոսազրույցի ժամանակ Թրամփը «զարմանալիորեն անտարբեր է երևացել նրանց հակամարտության նկատմամբ, կարծես դա հինգշաբթի օրը տեղի ունեցած ամենահետաքրքիր բանը չէր»։

Երբ լրագրողը նրան հարցրել է Մասկի հետ իր նախատեսված զրույցի վերաբերյալ լրատվամիջոցների հաղորդագրությունների մասին, նախագահը պատասխանել է. «Դուք նկատի ունեք այն մարդուն, որը թռցրե՞լ է խելքը»։ Վերջում նա հավելել է, որ «այժմ առանձնապես հետաքրքրված չէ նրա հետ խոսելով»։