ԱՄՆ-ը 20 տարվա ընթացքում առաջին անգամ կորցրել է Ռուսաստանի «ամենամեծ թշնամու» կարգավիճակը, ըստ «Լևադա-Կենտրոնի» մայիսին անցկացրած հարցման։

Հետազոտության համաձայն՝ 40%-ը Ամերիկան նշել է որպես «ամենավտանգավոր» պետություն Ռուսաստանի համար, սակայն այս ցուցանիշը տարեկան կտրվածքով նվազել է 36 տոկոսային կետով։

Ռուսաստանցիների կարծիքով, ոչ բարեկամական երկիր է դարձել Գերմանիան, եվրոպական այս երկրի անունը նշել է հարցվածների 56%-ը ։ 2010-ականներին այս ցուցանիշը կազմում էր ընդամենը 5%, իսկ պատերազմից առաջ՝ 16%։

Երկրորդ տեղում հայտնվել է Մեծ Բրիտանիան (49%), իսկ Ուկրաինան երրորդն է (43%)։ Վերջին երեք տարվա ընթացքում Ուկրաինան որպես «թշնամի» ընկալողների թիվը աճել է 13%-ով, սակայն դեռևս չի հասել 2015-18 թթ. ցուցանիշին, երբ այդ թիվը հասնում էր 50%-ի։

Ովքեր են Ռուսաստանի «ամենամոտ դաշնակիցները»

Հարցման համաձայն, Ռուսաստանի գլխավոր «բարեկամներն» են՝

• Բելառուսը (80%)
• Չինաստանը (64%)
• Ղազախստանը (36%)
• Հնդկաստանը (32%), 
• Հյուսիսային Կորեան (30%), որը առաջին անգամ հայտնվել է «ամենամոտ դաշնակիցների» ցանկում՝ 10 անգամ ավելի բարձր ցուցանիշով, քան մինչ պատերազմը։