Դոնալդ Թրամփի միգրացիոն քաղաքականության դեմ բողոքի
ցույցերը դուրս են եկել Կալիֆոռնիայի սահմաններից. հունիսի 11-ի երեկոյան
ցուցարարները հավաքվել էին Սիեթլում, ոստիկանությունը ցրել է նրանց, հաղորդում է
The Seattle Times-ը։
Սիեթլի ցուցարարները բողոքում էին ԱՄՆ ներգաղթի և մաքսային ոստիկանության
(ICE) կողմից իրականացված ռեյդերի և Լոս Անջելես Ազգային գվարդիայի զորքեր
տեղակայելու Թրամփի որոշման դեմ։ Նրանք հավաքվել էին քաղաքային պարկում, ապա երթով
շարժվել դեպի քաղաքի կենտրոն։ Որոշ ցուցարարներ սկսել են շրջել աղբամանները և
այրել դրանցից մեկը։ Բազմության միջից ոստիկանության ուղղությամբ արձակվել է
ճայթռուկ, ինչից հետո, գրում է The Seattle Times-ը, ոստիկանությունը ինչ-որ նյութ
է լցրել՝ մարդկանց ցրելու համար։
Վաշինգտոն նահանգի Սփոքեն քաղաքում (ի տարբերություն
նույնանուն քաղաքի՝ այն գտնվում է Արևմտյան ափին) քաղաքապետ Լիզա Բրաունը
հայտարարել է արտակարգ դրություն և պարետային ժամ՝ ժամը 21:30-ից մինչև առավոտյան
5-ը:
Այս որոշումը կայացվել է այն բանից հետո, երբ ցուցարարները թույլ
չեն տվել ICE աշխատակիցներին դուրս գալ քաղաքի կենտրոնում գտնվող միգրացիոն
վարչությունից, որտեղ, ըստ տեղեկությունների, պահվում էին նախկինում դատական լսումների ժամանակ ձերբակալված փախստականները: Սփոքենում ոստիկանությունը ձերբակալել է ավելի քան 30 մարդու,
«հիմնականում մանր հանցագործությունների համար», գրում է CNN-ը:
