ԱՄՆ նախագահ Դոնալդ Թրամփը Իսրայելի կողմից Իրանի
միջուկային ծրագրի հետ կապված թիրախների վրա հարվածից հետո հայտարարել է, որ, ինչպես
նախկինում, հակված է խնդրի դիվանագիտական լուծմանը:
Fox News-ին տված հարցազրույցում, որից հատվածներ է հրապարակել հեռուստաալիքի լրագրող Ջենիֆեր Գրիֆինը, ԱՄՆ նախագահն
ասել է. «Իրանը չի կարող միջուկային ռումբ ունենալ, և մենք հույս ունենք վերադառնալ
բանակցություններին։ Տեսնենք»։
Իրանի ղեկավարության որոշ անդամներ այլևս չեն վերադառնա, հավելել
է Թրամփը՝ նկատի ունենալով միջուկային ծրագրին
մասնակից այն բարձրաստիճան զինվորականներին և գիտնականներին, որոնք զոհվել են
Իսրայելի հարվածների հետևանքով։
Թրամփը նաև ասել է, որ գիտեր Իսրայելի՝ Իրանին հարվածելու
ծրագրերի մասին։ ԱՄՆ-ն, նրա խոսքով, սպասում է Իրանի կողմից պատասխան
գործողությունների և պատրաստ է պաշտպանել և իրեն, և Իսրայելին։
