Թուրքիայի նախագահ Ռեջեփ Թայիփ Էրդողանը իր իրանցի գործընկեր Մասուդ Փեզեշքիանի հետ հեռախոսազրույցում հայտարարել է, որ Անկարան պատրաստ է միջնորդ դառնալ Իսրայելի հետ հակամարտության արագ ավարտի և իրանական միջուկային ծրագրի շուրջ բանակցություններին վերադարձի գործում: Այս մասին զրույցից հետո հայտնել է Թուրքիայի ղեկավարի աշխատակազմը:
«Էրդողանը նշել է, որ մի շարք շփումներ է ունեցել օտարերկրյա առաջնորդների
հետ Իսրայելի և Իրանի միջև հակամարտության վերաբերյալ, և որ Թուրքիան պատրաստ է
միջնորդի դեր ստանձնել՝ հակամարտությունը արագ դադարեցնելու և միջուկային ծրագրի
շուրջ բանակցություններին վերադառնալու համար»,- ասվում է հաղորդագրության մեջ:
Էրդողանը, ինչպես նշվում է, Իրանի
նախագահին հայտնել է, որ «Թուրքիան մեծ նշանակություն է տալիս
տարածաշրջանում խաղաղության և կայունության պահպանմանը»։
Թուրքիայի և Իրանի նախագահները մինչ այս հեռախոսազրույց էին ունեցել հունիսի
14-ին։
