Իրանա-իսրայելական հակամարտությունն ավարտելու միակ ուղին առանց նախապայմանների հրադադարն է և Իսրայելի կողմից ագրեսիան չկրկնելու երաշխիքները։ Այս մասին հայտարարել է Իսլամական Հանրապետության նախագահ Մասուդ Փեզեշքիանը։

«Մենք միշտ ձգտել ենք խաղաղության և կայունության։ Սակայն ներկայիս պայմաններում պարտադրված պատերազմն ավարտելու միակ ուղին թշնամու ագրեսիայի՝ առանց նախապայմանների դադարեցումն է և սիոնիստ ահաբեկիչների արկածախնդրություններին մեկընդմիշտ վերջ տալու երկաթյա երաշխիքները»,- գրել է նա X-ում։

«Հակառակ դեպքում մեր պատասխանները թշնամուն կլինեն ավելի կոշտ և կստիպեն նրան ավելի շատ զղջալ»,- հավելել է Իրանի նախագահը։