Իմ ընկալումն այն է, որ ռուս խաղաղապահներն իրենց առաջարկությամբ պարտավորվում են ապահովել իրենց հողի վրա ապրելու ԼՂ հայերի իրավունքը. վարչապետ

ՀՀ վարչապետ Նիկոլ Փաշինյանը իր ուղերձում անդրադարձավ ԼՂ հայության անվտանգության հարցին և ասաց. «Տրամաբանորեն ենթադրվում է, որ եթե խաղաղապահները նման առաջարկություն են արել, դա նշանակում է, որ նրանք ամբողջությամբ և այլևս առանց վերապահումների ստանձնում են ԼՂ հայության անվտանգության ապահովման ամբողջական պարտավորությունը, ինչով պիտի լիարժեք պայմաններ ապահովեն, որպեսզի ԼՂ հայերի իրավունքը պահպանեն իրենց տներում, իրենց հողում ապրելու, և ապրելու արժանապատվորեն: 

Իմ ընկալումն այն է, որ այս հայտարարությամբ նաև այդ պատասխանատվությունն են ամբողջապես ստանձնում, չնայած մենք միշտ էլ այդ կարծիքին էինք, որ այդ պատասխանատվությունը 2020թ. նոյեմբերի 9-ի եռակողմ հայտարարությամբ ըստ էության դրված է ՌԴ խաղաղապահ առաքելության վրա»: