Մակրոնն ու Լը Պենն առաջին փուլում հավասար թվով ձայներ են հավաքել

Էմանուել Մակրոնն ու Մարին Լը Պենը գլխավորում են Ֆրանսիայի նախագահական ընտրությունների առաջին փուլը՝ 24-ական տոկոսով, հայտնում է բելգիական LaLibre թերթը՝ վկայակոչելով հրատարակության առաջին էքզիթ փոլի տվյալները։
Մրցավազքի ֆավորիտների հետևում կանգնած է Ժան-Լյուկ Մելենշոնը՝ ծայրահեղ ձախակողմյան «Ֆրանսիան անհնազանդ» կուսակցության առաջնորդը՝ հավաքելով ձայների 19%-ը: Այնուհետև գալիս են կենտրոնամետ Հանրապետական ​​կուսակցության թեկնածու Վալերի Պեկրեսը և ծայրահեղ աջակողմյան Էրիկ Զեմմուրը, որոնցից յուրաքանչյուրի օգտին քվեարկել է ֆրանսիացիների 8%-ը։
Ֆրանսիացիներն ընտրում են պետության ղեկավարին հինգ տարի ժամկետով։ Այն դեպքում, երբ թեկնածուներից ոչ մեկն առաջին փուլում չստանա բացարձակ մեծամասնություն (50% գումարած մեկ ձայն), ապա կանցկացվի երկրորդ փուլ։ Այն նախատեսված է ապրիլի 24-ին։
Տեղական ժամանակով ժամը 17:00-ի դրությամբ մասնակցությունը կազմել է 65%՝ նախորդ ընտրությունների համեմատ նվազելով 4,2%-ով: