ՀԱՊԿ-ը պետք է շատ լուրջ քննարկի Փաշինյանի առաջարկը. եթե այս անգամ էլ չկարողանա իրականացնել իր գործառույթները՝ հարցականի տակ կդրվի այդ կառույցի ապագան. Սաֆրաստյան․ տեսանյութ
Հայաստան
«Թուրքիան ու Ադրբեջանը Հայաստանի վրա ճնշումներն ուժեղացնելով փորձում են հասնել նրան, որ Հայաստանը գնա զիջումների մի քանի կարևոր խնդիրներում՝ մասնավորապես Արցախի կարգավիճակի և մեր սահմանների հարցում, հարմարվի այն փաստի հետ, որ ադրբեջանական զորքերը գտնվում են ՀՀ տարածքի ներսում»,- այսօր «Արմենպրես» գործակալության ասուլիսի ժամանակ ասաց թուրքագետ Ռուբեն Սաֆրաստյանը։
Հարցին՝ ՀՀ վարչապետի պաշտոնակատարի կողմից առաջարկվող տարբերակներից մեկն այս խնդրի լուծման այն է, որ ՀԱՊԿ-ը մոնիտորինգ իրականացնի հայ-ադրբեջանական սահմանի երկայնքով, որքանո՞վ է սա իրատեսական, Սաֆրաստյանն արձագանքեց. «Սա այն դեպքն է, որ ՀԱՊԿ-ը պետք է շատ լուրջ քննարկի այդ առաջարկը, և եթե այս անգամ էլ ՀԱՊԿ-ը չկարողանա իրականացնել այն հիմնական գործառույթները, որոնց համար ինքը ստեղծվել է, շատ լուրջ հարցականի տակ կդրվի այդ կազմակերպության ապագան»։
Թե ինչ ուղերձ է պարունակում ԱՄՆ ներկայացուցիչների պալատի ընդունած այն բանաձևը, ըստ որի՝ ԱՄՆ-ն պետք է դադարեցնի Ադրբեջանին հատկացվող ռազմական ֆինանսական օգնությունը, թուրքագետի մեկնաբանմամբ՝ դա առաջին հերթին վկայում է այն մասին, որ մեր հայրենակիցներն ԱՄՆ-ում շատ լուրջ աշխատում են Կոնգրեսի հետ. «Երկրորդը՝ սա իր մեջ ուղերձ է պարունակում, որ ԱՄՆ գործադիր իշխանությանը Կոնգրեսի ստորին պալատը կոչ է անում մեկ անգամ ևս վերանայել ԱՄՆ դիրքորոշումը Ադրբեջանի նկատմամբ, որտեղ ոտնահարվում են բոլոր տեսակի ժողովրդավարական նորմերը։ Եվ կարևոր է նաև, որ սենատը միանա այս որոշմանը, և որոշումը կստանա օրենքի ուժ։ Կարևոր է, որ ԱՄՆ նախագահի աշխատակազմը սա ընդունի որպես շատ լուրջ մեսիջ և փոխի իր մոտեցումը Ադրբեջանի նկատմամբ»։
Հարցին՝ ՀՀ վարչապետի պաշտոնակատարի կողմից առաջարկվող տարբերակներից մեկն այս խնդրի լուծման այն է, որ ՀԱՊԿ-ը մոնիտորինգ իրականացնի հայ-ադրբեջանական սահմանի երկայնքով, որքանո՞վ է սա իրատեսական, Սաֆրաստյանն արձագանքեց. «Սա այն դեպքն է, որ ՀԱՊԿ-ը պետք է շատ լուրջ քննարկի այդ առաջարկը, և եթե այս անգամ էլ ՀԱՊԿ-ը չկարողանա իրականացնել այն հիմնական գործառույթները, որոնց համար ինքը ստեղծվել է, շատ լուրջ հարցականի տակ կդրվի այդ կազմակերպության ապագան»։
Թե ինչ ուղերձ է պարունակում ԱՄՆ ներկայացուցիչների պալատի ընդունած այն բանաձևը, ըստ որի՝ ԱՄՆ-ն պետք է դադարեցնի Ադրբեջանին հատկացվող ռազմական ֆինանսական օգնությունը, թուրքագետի մեկնաբանմամբ՝ դա առաջին հերթին վկայում է այն մասին, որ մեր հայրենակիցներն ԱՄՆ-ում շատ լուրջ աշխատում են Կոնգրեսի հետ. «Երկրորդը՝ սա իր մեջ ուղերձ է պարունակում, որ ԱՄՆ գործադիր իշխանությանը Կոնգրեսի ստորին պալատը կոչ է անում մեկ անգամ ևս վերանայել ԱՄՆ դիրքորոշումը Ադրբեջանի նկատմամբ, որտեղ ոտնահարվում են բոլոր տեսակի ժողովրդավարական նորմերը։ Եվ կարևոր է նաև, որ սենատը միանա այս որոշմանը, և որոշումը կստանա օրենքի ուժ։ Կարևոր է, որ ԱՄՆ նախագահի աշխատակազմը սա ընդունի որպես շատ լուրջ մեսիջ և փոխի իր մոտեցումը Ադրբեջանի նկատմամբ»։