Ռուսամետ ուժերի պլանն էր՝ բանակին հրաման է տրվում չկրակելու, իսկ ընդդիմության այդ հատվածը դրա մեղքը գցում է Փաշինյանի վրա, բ Կարապետյանին շուտափույթ կերպով Պապիկյանով փոխարինելը խառնեց այդ ենթադրյալ պլանները

Դանիել Իոաննիսյանն իր ֆեյսբուքյան էջում գրել է.  

«Ուրեմն, քանի դեռ Արշակ Կարապետյանը պնդում է, որ իրեն ՊՆ պաշտոնից հեռացրել են «կրակելու հրաման տալու» համար, իրականությունը 180 աստիճանով այլ է:

Ես այսօրվա պես հիշում եմ, որ Իշխանասարի հատվածում ադրբեջանցիները սկսեցին առաջ գալ, իսկ բանակը նորմալ չէր դիմադրում, որից ժամեր անց Արշակ Կարապետյանը փոխարինվեց Սուրեն Պապիկյանով:

Սուրեն Պապիկյանի նշանակումից անմիջապես հետո Իշխանասարում բանակը մտավ մարտի՝ 44-օրյա պատերազմից հետո առաջին անգամ կիրառելով նաև հրետանի։ Այս ամենը, փաստերով, «Փաստերի ստուգման հարթակ» FIP-ը գրել է։

Եվ գիտե՞ք ինչն է հետաքրքիր: Այդ օրը (2021-ի նոյեմբերի 16-ին), երբ ես իմ աչքով էի տեսնում, թե ինչպես է բանակը Իշխանասարի տակ իրապես մարտ տալիս, խորհրդարանական որոշ ուժեր հայտարարում էին, որ այդ հողերը արդեն «ծախված են»։

Ենթադրում եմ, որ ռուսամետ ուժերի պլանն այն էր, որ բանակին հրաման է տրվում չկրակելու, իսկ ընդդիմության այդ հատվածը դրա մեղքը գցում է Նիկոլ Փաշինյանի վրա... Համ ադրբեջանցիներն են առաջ գալիս Սյունիքի ամենանեղ հատվածում, համ էլ իշխանությանը դեմ տալու թեմա է առաջանում։ Արդյունքում թե պետությունը և թե իշխանությունը թուլանում են ու համաձայնվում ենք տալ ռուսների այդքան ուզած միջանցքը։

Բայց Արշակ Կարապետյանին շուտափույթ կերպով Սուրեն Պապիկյանով փոխարինելը խառնեց այդ ենթադրյալ պլանները և բանակը կարգին մարտ տվեց` կասեցնելով ադրբեջանցիների առաջխաղացումը։

Արշակ Կարապետյանի` ռուսամետ դիրքերից քաղաքականություն մտնելը էլ ավելի է խորացնում այն ենթադրությունը, որ իմ նկարագրած (բարեբախտաբար` տապալված) ռուս-ադրբեջանական պլանը իրոք կար»։