«Հիմա Ռուսաստանի հետ հարաբերությունները կառուցելու ժամանակը չէ»․ ԱՄՆ Պետդեպից կրկին Վրաստանին զգուշացրել են հնարավոր պատժամիջոոցների մասին

ԱՄՆ Պետդեպարտամենտը մտահոգություն է հայտնել Ռուսաստանի և Վրաստանի միջև ուղիղ չվերթների վերականգնման կապակցությամբ և զգուշացրել, որ օդանավակայանում սպասարկող վրացական ընկերությունները կարող են ենթարկվել պատժամիջոցների։

Խոսքը այն ընկերությունների մասին է, որոնք սպասարկում են ռուսական ավիաընկերությունները Թբիլիսիի օդանավակայանում, իսկ շուտով` Քութայիսիում:

«Արևմտյան շատ երկրներ, ներառյալ ԱՄՆ-ը, արգելում են ռուսական ինքնաթիռների մուտքն իրենց օդային տարածք: Մենք անհանգստացած ենք Ռուսաստանի և Վրաստանի միջև ուղիղ թռիչքների վերականգնմամբ: Դա կարող է նշանակել, որ վրացական օդանավակայանների ընկերությունները կարող են հայտնվել պատժամիջոցների սպառնալիքի տակ: Մենք՝ ամբողջ Արևմտյան հասարակությունը, հեռու ենք մնացել այս ռեժիմից, և հիմա Ռուսաստանի հետ հարաբերությունները կառուցելու ժամանակը չէ»,- ասել է Պետդեպարտամենտի խոսնակ Մեթյու Միլլերը։