Քաղաքապետի ոսկե մեդալ՝ Արամ Խաչատրյանի 120-ամյակին նվիրված միջոցառումները բարձր մակարդակով կազմակերպելու համար
Հասարակություն
Երևանի քաղաքապետի առաջին տեղակալ, Երևանի քաղաքապետի պաշտոնակատար Լևոն Հովհաննիսյանի որոշմամբ՝ Երևան քաղաքի մշակույթի զարգացման գործում նշանակալի ավանդի և Արամ Խաչատրյանի 120-ամյակին նվիրված միջոցառումները բարձր մակարդակով կազմակերպելու համար Երևանի քաղաքապետի ոսկե մեդալով են պարգևատրվել Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրենի պաշտոնակատար, ՀՀ վաստակավոր արտիստ Կարեն Դուրգարյանը, նույն թատրոնի բալետի առաջատար արտիստ, ՀՀ վաստակավոր արտիստ Ռուբեն Մուրադյանը, Երևանի քաղաքապետարանի մշակույթի և տուրիզմի վարչության պետ Գոշ Սարգսյանը։ Այս մասին Civic.am-ը տեղեկացավ Երևանի քաղաքապետարանի պաշտոնական կայքում զետեղված համապատասխան որոշումից:
Հիշեցնենք, որ հունիսի 6-ին նշվեց մեծանուն կոմպոզիտոր Արամ Խաչատրյանի ծննդյան 120-ամյակը: Աշխարհահռչակ երգահանի տարեդարձին ընդառաջ ձևավորված կառավարական հանձնաժողովը կազմակերպել է մի շարք տոնական միջոցառումներ՝ ինչպես Հայաստանում, այնպես էլ արտերկրում:
Նշենք, որ միջոցառումներում ընդգրկված են բոլոր առաջատար ստեղծագործական խմբերը և նվագախմբերը՝ Ազգային ֆիլհարմոնիկ նվագախումբը, Պետական սիմֆոնիկ նվագախումբը, Պետական կամերային նվագախումբը, Օպերայի և բալետի ազգային ակադեմիական թատրոնը, Պետական ֆիլհարմոնիան և բազմաթիվ այլ կառույցներ։
Հայաստանի պետական սիմֆոնիկ նվագախումբը հոբելյանական համերգաշարը սկսել է դեռ այս տարեսկզբից՝ Մեծ Բրիտանիայի Միացյալ Թագավորությունից։
Երեք օր շարունակ՝ հունիսի 6-ին, 7-ին, 8-ին, Թումանյանի այգում Հայաստանի հանդիսատեսին մատուցվեցին Օպերայի և բալետի ազգային ակադեմիական թատրոնի երեք բեմադրությունները՝ «Գայանե», «Դիմակահանդես», «Սպարտակ»։ Բացօթյա բալետի մուտքն անվճար էր։ Տոնական միջոցառումները կշարունակվեն ողջ տարվա ընթացքում։
Հիշեցնենք, որ հունիսի 6-ին նշվեց մեծանուն կոմպոզիտոր Արամ Խաչատրյանի ծննդյան 120-ամյակը: Աշխարհահռչակ երգահանի տարեդարձին ընդառաջ ձևավորված կառավարական հանձնաժողովը կազմակերպել է մի շարք տոնական միջոցառումներ՝ ինչպես Հայաստանում, այնպես էլ արտերկրում:
Նշենք, որ միջոցառումներում ընդգրկված են բոլոր առաջատար ստեղծագործական խմբերը և նվագախմբերը՝ Ազգային ֆիլհարմոնիկ նվագախումբը, Պետական սիմֆոնիկ նվագախումբը, Պետական կամերային նվագախումբը, Օպերայի և բալետի ազգային ակադեմիական թատրոնը, Պետական ֆիլհարմոնիան և բազմաթիվ այլ կառույցներ։
Հայաստանի պետական սիմֆոնիկ նվագախումբը հոբելյանական համերգաշարը սկսել է դեռ այս տարեսկզբից՝ Մեծ Բրիտանիայի Միացյալ Թագավորությունից։
Երեք օր շարունակ՝ հունիսի 6-ին, 7-ին, 8-ին, Թումանյանի այգում Հայաստանի հանդիսատեսին մատուցվեցին Օպերայի և բալետի ազգային ակադեմիական թատրոնի երեք բեմադրությունները՝ «Գայանե», «Դիմակահանդես», «Սպարտակ»։ Բացօթյա բալետի մուտքն անվճար էր։ Տոնական միջոցառումները կշարունակվեն ողջ տարվա ընթացքում։