Պեսկովը հրաժարվել է ասել, թե որ երկրներից են մասնակցելու Պուտինի երդմնակալությանը

ՌԴ նախագահի մամուլի քարտուղար Դմիտրի Պեսկովը հրաժարվել է բացահայտել օտարերկրյա հյուրերի մասին տեղեկությունները, որոնք կմասնակցեն Վլադիմիր Պուտինի երդմնակալության արարողությանը։ Նրա խոսքերը մեջբերում է «ՌԻԱ Նովոստի»-ն։

Նա նշել է, որ մանրամասները կհայտնի իր գործընկերը՝ արտաքին քաղաքականության հարցերով խորհրդական Յուրի Ուշակովը, որը մասնագիտացած ճեպազրույց կանցկացնի։

«Գիտեք, ես առաջ չեմ ընկնի, մենք այստեղ պայմանավորվեցինք, որ իմ գործընկեր Ուշակովը ճեպազրույց կտա լրագրողների համար, և նա այդ մասին կխոսի: Ուստի ես չէի ցանկանա առաջ ընկնել»,- ասել է Պեսկովը լրագրողների հետ զրույցում: