Դատարանը վարույթ է ընդունել Ալեն Սիմոնյանն ընդդեմ Աննա Մկրտչյանի քաղհայցը
Իրավունք
ՀՀ ԱԺ նախագահ Ալեն Սիմոնյանի հայցադիմումն ընդդեմ «Պատիվ ունեմ» խմբակցության պատգամավոր Աննա Մկրտչյանի՝ վիրավորանքի համար ներողություն խնդրելու և փոխհատուցում վճարելու պահանջների մասին, Երևան քաղաքի առաջին ատյանի ընդհանուր իրավասության քաղաքացիական դատարանն ընդունել է վարույթ: Այս մասին civic.am-ը տեղեկացավ datalex.am-ից։ Սույն գործով դատավորը Լ. Սաղոյանն է, դատարանը սույն որոշումն ընդունել է նոյեմբերի 3-ին։
Հիշեցնենք, որ օրերս Ալեն Սիմոնյանը հայտնել էր, որ հայց է ներկայացրել ոչ միայն Աննա Մկրտչյանի, այլև «Հայելի» մամուլի ակումբի ղեկավար Անժելա Թովմասյանի դեմ: Երկուսն էլ՝ վիրավորանքի հիմքով:
«Ի դեպ, Ա. Մկրտչյանի դեպքում սա արդեն երկրորդն է: Իսկ Ա. Թովմասյանի դեմ՝ առաջինը. գիծ կար, պետք չէր անցնել:
Պետք է հասկանան, որ եթե այլևս Հայաստանում մարդկանց չեն ծեծում, դա ոչ մեկին իրավունք չի տալիս աջ ու ձախ վիրավորելու:
Այսօրվանից գնացեք ու մտածեք, թե ինչ ձևակերպումներ եք տալու, ում եք մեղադրելու, եթե դատարանը պարտադրի ձեզ ներողություն խնդրել, բայց վերջում, միևնույն է, խելոք ներողություն եք խնդրելու»,- տելեգրամի իր ալիքում գրել էր ԱԺ նախագահը։
Նշենք, որ datalex.am-ում դեռևս ծանուցում չկա այն մասին, թե արդյոք դատարանը վարույթ ընդունե՞լ է նաև Ա. Թովմասյանի դեմ ներկայացված դատական հայցը։
Հիշեցնենք, որ օրերս Ալեն Սիմոնյանը հայտնել էր, որ հայց է ներկայացրել ոչ միայն Աննա Մկրտչյանի, այլև «Հայելի» մամուլի ակումբի ղեկավար Անժելա Թովմասյանի դեմ: Երկուսն էլ՝ վիրավորանքի հիմքով:
«Ի դեպ, Ա. Մկրտչյանի դեպքում սա արդեն երկրորդն է: Իսկ Ա. Թովմասյանի դեմ՝ առաջինը. գիծ կար, պետք չէր անցնել:
Պետք է հասկանան, որ եթե այլևս Հայաստանում մարդկանց չեն ծեծում, դա ոչ մեկին իրավունք չի տալիս աջ ու ձախ վիրավորելու:
Այսօրվանից գնացեք ու մտածեք, թե ինչ ձևակերպումներ եք տալու, ում եք մեղադրելու, եթե դատարանը պարտադրի ձեզ ներողություն խնդրել, բայց վերջում, միևնույն է, խելոք ներողություն եք խնդրելու»,- տելեգրամի իր ալիքում գրել էր ԱԺ նախագահը։
Նշենք, որ datalex.am-ում դեռևս ծանուցում չկա այն մասին, թե արդյոք դատարանը վարույթ ընդունե՞լ է նաև Ա. Թովմասյանի դեմ ներկայացված դատական հայցը։