ԱՄՆ նախկին նախագահ Դոնալդ Թրամփը կարծում է, որ Աստծուց նվեր է ստացել, երբ ողջ է մնացել հանրահավաքի ժամանակ մահափորձից հետո։ Այս մասին գրում է The Washington Post-ը՝ հղում անելով քաղաքական գործչի հետ շփված աղբյուրին։

«Նա կարծում է, որ իրեն Աստծուց նվեր է ընծայվել: Նա չի կարողանում հավատալ դրան»,- ասել է պարբերականի աղբյուրը:

Դոնալդ Թրամփի դեմ մահափորձը տեղի է ունեցել հուլիսի 13-ի երեկոյան։ Քաղաքական գործչի վրա կրակել են մի քանի անգամ, որից հետո նրան արյունոտ ականջով հեռացրել են բեմից։ Կրակողը ոչնչացվել է և բացահայտվել: ՀԴԲ-ի տվյալներով՝ նա Փենսիլվանիայի 20-ամյա բնակիչ Թոմաս Մեթյու Քրուքսն է։ New York Post-ի աղբյուրների տեղեկություններով՝ երիտասարդը կրակ է բացել բեմից մոտ 120 մետր հեռավորության վրա գտնվող արտադրական ձեռնարկության տանիքից։