ԱՄՆ նախկին նախագահ Դոնալդ Թրամփը
հայտարարել է, որ, իր տեղեկություններով, ամերիկյան ներկայիս առաջնորդ Ջո Բայդենը արդարադատության
նախարարությանը կհանձնարարի դադարեցնել իր դեմ երկու գործը։
Ընդհանուր առմամբ, քաղաքական գործչին 91 մեղադրանք է առաջադրվել՝ չորս քրեական գործերով, ինչը Թրամփը համարում է դեմոկրատական իսթեբլիշմենթի կողմից փորձ՝ խանգարելու իրեն վերադառնալ Սպիտակ տուն։
«Նա նաև հայտարարել է, որ «մեր տեղեկություններով» Բայդենը կհրամայի արդարադատության
նախարարությանը դադարեցնել Թրամփի դեմ երկու գործը»,- ասվում է New York Post-ի հաղորդման մեջ, որը հարցազրույց է վերցրել ԱՄՆ նախկին նախագահից:
Միաժամանակ, ինչպես նշում է պարբերականը, դեռ ոչինչ չի վկայում այն մասին, որ նման միջոց է նախապատրաստվում։
ԱՄՆ նախկին նախագահ Դոնալդ Թրամփը
հայտարարել է, որ բժիշկները հրաշք են անվանել, որ նա ողջ է մնացել AR-15
ինքնաձիգով մահափորձից հետո։
«Հիվանդանոցում բժիշկն ասաց, որ ինքը երբեք
նման բան չի տեսել, նա դա հրաշք է անվանել... Ես չպետք է այստեղ լինեի, ես պետք է
մեռած լինեի»,- ասել է Սպիտակ տան նախկին ղեկավարը։
Նրա խոսքով՝ իրավիճակն ավելի ողբերգական
կարող էր ավարտվել, եթե ինքը մի փոքր գլուխը թեքեր դեպի աջ՝ անօրինական
միգրանտների մասին տվյալները կարդալու համար։
ԱՄՆ նախկին նախագահը ֆանտաստիկ է անվանել
Գաղտնի ծառայության աշխատանքը, որի աշխատակիցը մեկ կրակոցով ոչնչացրել է
հարձակվողին։
«Նրանք ֆանտաստիկ աշխատանք են կատարել... Նրանք սպանել են նրան
մեկ կրակոցով՝ ուղիղ աչքերի միջև»,- ասել
է ամերիկացի նախկին առաջնորդը։
