Իսրայելական բանակը իր զինծառայողներից պահանջել է լքել Ադրբեջանը և Վրաստանը։ Այս մասին հայտնում է Իսրայելի Kan պետական ​​հեռուստառադիոընկերությունը:

«Մտավախություն ունենալով Իրանի վրեժից՝ Իսրայելի Պաշտպանության բանակը նոր հրաման է արձակել, որով արգելվում է կանոնավոր բանակի զինվորներին գտնվել Իրանին հարևան Վրաստանում և Ադրբեջանում»,- ասվում է հրապարակման մեջ:

Ավելի վաղ ՄԱԿ-ում Իրանի մշտական ​​ներկայացուցիչ Ամիր Սաիդ Իրվանին կազմակերպության Անվտանգության խորհրդի նիստին հայտարարել էր, որ Թեհրանը, հետևելով միջազգային իրավունքին, ինքնապաշտպանության իրավունք է իրեն վերապահում՝ արձագանքելու ՀԱՄԱՍ-ի քաղբյուրոյի առաջնորդ Իսմաիլ Հանիի սպանությանը, երբ դա համարի անհրաժեշտ։