Ադրբեջանի
արտգործնախարար Ջեյհուն Բայրամովը հեռախոսազրույցի ընթացքում Լյուքսեմբուրգի արտաքին
գործերի և արտաքին առևտրի նախարար Քսավյե Բետելին տեղեկացրել է Բաքվի և Երևանի
միջև հարաբերությունների կարգավորման գործընթացի և հետկոնֆլիկտային շրջանում
տարածաշրջանում տիրող իրավիճակի մասին։
Ինչպես հաղորդում է Ադրբեջանի ԱԳՆ-ն,
Բայրամովը ընդգծել է, որ Հայաստանի օրենսդրական ակտերում մնացած «տարածքային
պահանջները Ադրբեջանի նկատմամբ» և այս երկրի «աճող ռազմականացումը» հիմնական
գործոններն են, որոնք սպառնում են տարածաշրջանում կայուն խաղաղության կառուցման
գործընթացին։
Հեռախոսազրույցի ընթացքում քննարկվել են նաև տարածաշրջանային և միջազգային
անվտանգության հարցեր։
