Վրաստանի խորհրդարանը երրորդ և վերջին ընթերցմամբ հավանության
է արժանացրել «Ընտանեկան արժեքների և անչափահասների պաշտպանության մասին» օրենքը։
Այս մասին հայտնում է NewsGeorgia-ն։
Օրենքին կողմ է քվեարկել 84 պատգամավոր, ընդ որում՝ ընդդիմությունը
չի մասնակցել քվեարկությանը։
Օրենքը
քննարկման է ներկայացրել իշխող «Վրացական երազանք» կուսակցությունը։
Ընդունված
փաստաթուղթն արգելում է միասեռ ամուսնությունները, միասեռ զույգերի կողմից
երեխաների որդեգրումը, տրանսգենդերների անցումը։ Բժիշկներին արգելվում է կատարել
վիրահատություններ և այլ մանիպուլյացիաներ, որոնք նպաստում են տրանսգենդերային անցմանը։
Նման ընթացակարգերի անցկացումը
ենթակա է քրեական պատասխանատվության, այդ թվում՝ ազատազրկման։
Բացի
դրանից, արգելվում է կրթական
հաստատություններում և ԶԼՄ-ներում գովազդել և տարածել միասեռական
հարաբերությունների «ժողովրդականացմանն» ուղղված տեղեկատվությունը։ Արգելվում
է նաև հանրային հավաքների
(հանրահավաքների կամ երթերի) անցկացումը՝ ուղղված ԼԳԲՏՔ+ «քարոզչությանը»։
