Ռազմավարական
գործընկերը այդպիսին չի լինում, մենք փնտրում ենք գործընկեր, ոչ թե խնամակալ, հայտարարել
է Վրաստանի խորհրդարանի նախագահ Շալվա Պապուաշվիլին՝ «Իմեդի» հեռուստաալիքի
եթերում մեկնաբանելով Արևմուտքի հետ հարաբերությունների լարվածությունը։
«Այն, ինչ մենք տեսնում ենք, տխուր
վերաբերմունք է: Հարաբերությունները վերականգնելու համար անհրաժեշտ են ազնվություն
և բարի մտադրություններ: Եթե ինչ-որ մեկն ուզում է խնամակալ լինել մեզ և ուղղորդել
այն ուղղությամբ, որը անհրաժեշտ է համարում, ապա դա որևէ կերպ չի ստացվի: Ցավոք,
մեր պատմության մեջ շատ մեծ տերություններ նույն սխալն են թույլ տվել Վրաստանի
հետ, շատերը ցանկացել են օգտագործել մեր բարեկամությունը իրենց շահերի համար։ Կարևոր
է դադարեցնել կեղծ մեղադրանքներն ու խոսակցությունները վրաց ժողովրդի և նրա
կառավարության հասցեին»,- ասել է Պապուաշվիլին։
