ԱՄՆ-ն ու ԵՄ-ն
Իրանին հրադադար էին խոստացել ՀԱՄԱՍ-ի քաղբյուրոյի ղեկավար Իսմայիլ Հանիայի
սպանությանը արձագանքի բացակայության դիմաց։ Այս մասին հայտարարել է Իրանի նախագահ
Մասուդ Փեզեշքիանը կիրակի օրվա կառավարության նիստում։
«ԱՄՆ-ի և եվրոպական
երկրների ղեկավարների հայտարարությունները, որոնք հրադադար էին խոստանում շահիդ
Հանիայի սպանությանը Իրանի արձագանքի բացակայության դիմաց, եղել են ամբողջովին կեղծ:
Նման հանցագործներին հնարավորություն տալը միայն կքաջալերի նրանց նոր
հանցագործություններ կատարելու»:
Միաժամանակ Իրանի նախագահն ընդգծել է, որ Իսրայելի հանցագործություններն անպատասխան չեն մնա։ Մյուս կողմից, պատմական փորձը ցույց է տալիս, որ ազատության համար շարժումները չեն վերանում առանձին մարդկանց սպանություններով։
Փեզեշքիանը նշել է
նաև, որ Իսրայելի դեմ պատերազմում «Հըզբոլլահը» չպետք է մենակ մնա։ Նա ուշադրություն
է հրավիրել արաբական և իսլամական երկրների պատասխանատվության վրա «սիոնիստական ռեժիմի դաժանության» առջև։
