Իրանը պատրաստ է հասանելիություն
տրամադրել դեպի Չաբահար նավահանգիստ Եվրասիական տնտեսական միության բոլոր
երկրներին։ Այս մասին հայտարարել է Իրանի արդյունաբերության, հանքերի և առևտրի
նախարար Սեյեդ Մոհամմադ Աթաբաքը Երևանում Եվրասիական տնտեսական համաժողովի
շրջանակներում «ԵԱՏՄ-Իրան գործարար երկխոսություն» պանելային քննարկման ժամանակ։
Ինչպես նշել է
իրանցի նախարարը, Իրանի աշխարհագրական դիրքը նպաստում է դեպի Եվրոպա բեռների տարանցման
կազմակերպմանը։ Դրանով անցնում են տարբեր տրանսպորտային միջանցքներ, որոնք Սև ծովը
կապում են Կասպից ծովի և Հնդկական օվկիանոսի հետ։
Նրա խոսքով՝
Հնդկական օվկիանոսում իրանական Չաբահար նավահանգստին հասանելիությունը ԵԱՏՄ-ի հետ
համագործակցության ուղղություններից մեկն է։
«Հասանելիությունը Հայաստանին արդեն
տրամադրվել է: Մենք լիովին աջակցում ենք այս նախագծին: Ավելին, դեպի նավահանգիստ ենթակառուցվածքն արդեն
պատրաստ է ԵԱՏՄ բոլոր երկրների ներկայության համար»,- նշել է Աթաբաքը։
