Անցյալ երեքշաբթի Իրանի հրթիռային հարվածն
Իսրայելի վրա Թեհրանի ամենամեղմ պատասխանն էր Իսրայելի իշխանությունների
գործողություններին։ Այս մասին հայտարարել է Իրանի գերագույն առաջնորդ այաթոլլա
Ալի Խամենեին՝ ուրբաթօրյա աղոթքի ժամանակ ելույթ ունենալով լիբանանյան «Հըզբոլլահ»
խմբավորման նախկին առաջնորդ Հասան Նասրալլայի հրաժեշտի արարողությանը։
«Այն, ինչ արեցին մեր զինված ուժերը, ամենամեղմ
պատիժն էր սիոնիստական ռեժիմի, ԱՄՆ-ի և նրա դաշնակիցների հանցագործությունների համար»,- ասել է Խամենեին: Նա ընդգծել է, որ անհրաժեշտության դեպքում հարձակումները կշարունակվեն։
Խամենեին նաև նշել է, որ Իսրայելին երբեք չի հաջողվի
հաղթել պաղեստինյան ՀԱՄԱՍ խմբավորմանն ու «Հըզբոլլահին». «Իսլամական
Հանրապետության բոլոր գործողությունները միջազգային ասպարեզում կիրականացվեն
վստահությամբ և խիզախությամբ։ Մենք միշտ գործում ենք առանց հապաղելու, բայց և
անշտապ՝ կատարելով մեր պարտքը»։
