Իրանի հյուսիսում՝ Սեմնան նահանգի Գերմսար քաղաքի մերձակայքում, 4,8 մագնիտուդով երկրաշարժ է տեղի ունեցել: Այդ մասին հայտնում է իրանական Mehr գործակալությունը:
Երկրաշարժը տեղի է ունեցել տեղի ժամանակով ժ. 05:16-ին՝ 11 կմ խորությամբ, հայտնում է Իրանի սեյսմոլոգիական կենտրոնը:
Ստորգետնյա ցնցումների հետևանքով տուժածների մասին հաղորդումներ չկան։
Երկրաշարժի հետևանքով քաղաքում մի շարք բաժանորդներ մնացել են առանց էլեկտրականության:
Իրանական մեկ այլ գործակալություն՝ IRIB-ը, հայտնել է, որ ցնցումները զգացվել են Թեհրանում, ինչպես նաև նրա արվարձան Քերեջ քաղաքում։
