Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսսին չորեքշաբթի հայտարարել է, որ առաջիկա օրերին կարող է այցելել Իրանի մայրաքաղաք Թեհրան, հայտնում է Reuters-ը։
«Ըստ ամենայնի, մի քանի օրից մենք դեռ պետք է հաստատենք այդ կետը, բայց դա տեղի կունենա»,-ասել է Գրոսսին ատոմային էներգետիկայի հարցերով միջոցառումից հետո Հռոմում անցկացված մամուլի ասուլիսում, երբ նրան հարցրել են Իրանի մայրաքաղաք մեկնելու մասին:
Պատասխանելով այն հարցին, թե ինչ կարող է փոխվել Իրանի հետ հարաբերություններում ԱՄՆ նախագահական ընտրություններում Դոնալդ Թրամփի հաղթանակից հետո, նա ասել է, որ նոր վարչակազմը նշանակում է «ճշգրտումներ, տարբեր մոտեցումներ»։
«Ես արդեն աշխատել եմ Թրամփի վարչակազմի հետ, և մենք համագործակցել ենք։ Ակնկալում եմ շարունակել նույն ոգով»,-նշել է Գրոսսին:
