Թուրքիայի և Սիրիայի հարաբերությունները պետք է կարգավորվեն, Ռուսաստանն ամեն ինչ կանի դա հեշտացնելու համար։ Այս մասին Դոհայի ֆորումի նիստում հայտարարել է ՌԴ արտգործնախարար Սերգեյ Լավրովը։
«Ես կասկած չունեմ, որ Սիրիայի և Թուրքիայի հարաբերությունները պետք է կարգավորվեն, և Ռուսաստանը կանի հնարավոր ամեն ինչ՝ օգնելու համար»,-ասել է նա։
Լավրովը նշել է, որ Թուրքիան «շատ ազդեցիկ սուբյեկտ է» Սիրիայում։ Նրա խոսքով՝ բանակցությունների ընթացքում քննարկվել է Անկարայի և Դամասկոսի միջև հարաբերությունների կարգավորման թեման։
