Time ամսագիրը 2024 թվականի Տարվա մարդ է ճանաչել ԱՄՆ նորընտիր նախագահ Դոնալդ
Թրամփին։
Դեկտեմբերի 12-ին Time-ում հրապարակված նյութում Թրամփին անվանել են «աշխարհի
ամենահզոր մարդ»:
Ընդհանուր առմամբ այդ տիտղոսին, բացի Թրամփից, առաջադրվել է տասը մարդ. ԱՄՆ
փոխնախագահ Քամալա Հարիսը, որը պետության ղեկավարի պաշտոնի համար պայքարի մեջ մտավ
այն բանից հետո, երբ Ջո Բայդենը դուրս մնաց պայքարից, և պարտվեց Թրամփին; SpaceX-ի
և Tesla-ի հիմնադիր Իլոն Մասկը՝ միլիարդատեր գործարար, որը պաշտոն է ստացել ԱՄՆ նախագահի նոր վարչակազմում;
Ուելսի արքայադուստր Քեյթ Միդլթոնը, որի մոտ այս տարի քաղցկեղ են հայտնաբերել, և
որը քիմիաթերապիա է անցել; Ալեքսեյ Նավալնիի այրի Յուլիա Նավալնայան; Իսրայելի
վարչապետ Բենիամին Նեթանյահուն; Դաշնային պահուստային համակարգի նախագահ Ջերոմ
Փաուելը; ամերիկացի կատակերգու և փոդքասթի հաղորդավար Ջո Ռոգանը; Մեքսիկայի
պատմության մեջ առաջին կին նախագահ Կլաուդիա Շեյնբաումը; Meta-ի տնօրեն Մարկ
Ցուկերբերգը:
2022 թվականին տիտղոսը բաժին է հասել
«Ուկրաինայի ոգուն» և երկրի նախագահ Վլադիմիր Զելենսկին։ 2023 թվականին Time-ը Տարվա
մարդ է ընտրել ամերիկացի երգչուհի Թեյլոր Սվիֆթին։
