Երբ պետական զանգն անսպասելի ուրախություն է բերում։ Ֆեյսբուքի իր էջում գրել է Հայաստանի անշարժ գույքի գործակալությունների ասոցիացիայի խորհրդի անդամ Անդրանիկ Հարությունովը։

Մեր ասոցիացիայի հերթական նիստին էի, ու հեռախոսս զանգում էր: Չկարողացա պատասխանել, իսկ նիստից հետո, ընկերոջս հետ մեքենայով վերադառնալիս, բարձրախոսով հետ եմ զանգում:

Պատասխանում են՝

- Պետական վերահսկողական ծառայություն:

Ես՝ Վայ մամա ջան, փաստորեն ձեզնիցա՞ զանգս , ինչ է պատահել:

Թե բա՝ Ներկայացեք:

Ես էլ հանգիստ ձայնով՝

- Անդրանիկ Հարությունովն եմ:

Ասում են՝ 5 րոպեի ընթացքում հետ կզանգեն:

Հետ են զանգում.

- Դուք Լարիսա Հարությունովայի հայրն եք:

Ես՝ այո, բայց Լարիսան 5 տարեկան է, ինչ է արել, որ իրենով եք հետաքրքրվում

Պատասխանում են.

- 2022-ին դուք վճարում եք արել Արաբկիր ԲԿ-ում, բայց ուսումնասիրություններից պարզվել է, որ դա պետպատվերով է եղել, և ԲԿ-ն պարտավոր է այդ գումարը ձեզ վերադարձնել:

Այստեղ խորը շունչ եմ քաշում, ժպտում ու ասում.

- Վայ, ինչ լավ բան ասացիք, ես էլ արդեն հազար վատ տարբերակ էի պատկերացրել:

- (մտածում էի աղջիկս պարտեզում տներա վաճառել )

Հասկանում եմ, որ պետությունն այս անգամ իր գործառույթներն իսկապես կատարել է, ու ես ու աղջիկս խնդիր չունենք:

Հ.Գ. Երբեմն բյուրոկրատիան ոչ միայն վատ լուրեր է բերում, այլ նաև լավ նորություններ: