Ամերիկացի ձեռնարկատեր Իլոն Մասկը Կանադայի վարչապետ Ջասթին Թրյուդոյին անվանել է «աղջիկ» և ասել, որ Կանադայի՝ ԱՄՆ-ին միանալու անհնարինության մասին նրա խոսքերն այլևս կշիռ չունեն, քանի որ նա լքում է իր պաշտոնը։
Ավելի վաղ Կանադայի վարչապետ Ջասթին Թրյուդոն «X» սոցիալական ցանցում հայտարարել էր, որ իր երկիրը «դժոխքի դժոխք» կդառնա ԱՄՆ-ի մաս։
Միևնույն ժամանակ, Կանադան քաղաքական ճգնաժամի մեջ է, ինչի հետևանքով Թրյուդոն երկուշաբթի հայտարարեց հրաժարական տալու մտադրության մասին՝ իր ղեկավարած Լիբերալ կուսակցությունում ներքին կուսակցական ճնշման աճի ֆոնին։
«Աղջիկ, դու այլևս Կանադայի նահանգապետը չես, ուստի, կարևոր չէ, թե ինչ ես ասում», - պատասխանել է Մասկը Կանադայի վարչապետին X սոցիալական ցանցում։
Ավելի վաղ ԱՄՆ նորընտիր նախագահ Դոնալդ Թրամփը Թրյուդոյին անվանել էր «Կանադայի մեծ նահանգի նահանգապետ»՝ Թրամփի պաշտոնավարումից հետո կանադական ապրանքների վրա ԱՄՆ-ի կողմից մաքսատուրքեր սահմանելու հնարավորության շուրջ հակասությունների ֆոնին:
