Ջո Բայդենի գլխավորած ԱՄՆ հեռացող վարչակազմը պնդում է, որ ոչ Ուկրաինան, ոչ Ռուսաստանը պատրաստ չեն բանակցությունների։
«Այժմ ակնկալիքներ չկան, որ այս կամ այն կողմը պատրաստ է բանակցել»,-ասել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին լրագրողների համար հերթական առցանց ճեպազրույցում՝ մեկնաբանելով Ուկրաինայի շուրջ ստեղծված իրավիճակը:
Ինչպես դեկտեմբերի 29-ին ՏԱՍՍ-ին տված հարցազրույցում ասել է ՌԴ ԱԳ նախարար Սերգեյ Լավրովը, Մոսկվան պատրաստ է Ուկրաինայի հարցով բանակցություններին, սակայն պայմանավորվածությունները պետք է լինեն այնպիսին, որ դրանք չխախտվեն։
Արտգործնախարարն ուշադրություն է հրավիրել այն փաստի վրա, որ Ռուսաստանի նախագահ Վլադիմիր Պուտինը տարվա արդյունքներին հաջորդած մամուլի ասուլիսում ուրվագծել է Մոսկվայի սկզբունքային դիրքորոշումը կարգավորման հարցում։
