Հարավային
Կովկասում անվտանգությունը կարևոր է Իրանի համար: Այս մասին, ինչպես հաղորդում է
Tasnim-ը, մամուլի ասուլիսում հայտարարել է Իրանի ԱԳՆ պաշտոնական ներկայացուցիչ
Իսմայիլ Բաղային։
Պատասխանելով
Իրանի Ազգային անվտանգության գերագույն խորհրդի քարտուղար Ալի Աքբար Ահմադիանի՝
անցյալ շաբաթ Ադրբեջան և Հայաստան կատարած այցի մասին հարցին՝ Բաղային նշել է, որ
Ահմադիանի այցը Բաքու և Երևան եղել է նախապես ծրագրված և իրականացվել է։
«Իրանը կարևոր
է համարում հարաբերությունները ինչպես Ադրբեջանի, այնպես էլ Հայաստանի հետ։
Հարավային Կովկասում անվտանգությունը կարևոր է մեզ համար, և մենք կօգտագործենք
բոլոր հնարավորությունները այս կարևոր տարածաշրջանում այն ամրապնդելու համար։
Անվտանգությունը պետք է ապահովեն տարածաշրջանի երկրները՝ հեռու
արտաքին միջամտությունից»,- ընդգծել է Բաղային։
