Ամերիկացի միլիարդատեր Իլոն Մասկը հայտարարել է, որ իր գրառումները ԱՄՆ նախագահ Դոնալդ Թրամփի մասին «չափազանց հեռուն են գնացել»։
«Ես զղջում եմ իմ որոշ գրառումների համար, որոնք հրապարակել եմ անցած շաբաթ Թրամփի մասին։ Դրանք չափազանց հեռուն են գնացել», — գրել է Մասկը X սոցիալական ցանցում։
Այս հայտարարությունը հնչել է Մասկի և Թրամփի միջև վերջին օրերին ծավալված սուր բանավեճի ֆոնին։ Մասկը կոշտ քննադատել է Սպիտակ տան տնտեսական քաղաքականությունը, իսկ Թրամփը նրան անվանել է «խելագար» և սպառնացել դադարեցնել պետական պայմանագրերը նրա ընկերությունների հետ։
Ռուսաստանի Պետդումայի փոխխոսնակ Վլադիսլավ Դավանկովը նույնիսկ առաջարկել է Մասկին քաղաքական ապաստան և Ռուսաստանի քաղաքացիություն տրամադրել։
Ավելի վաղ Սպիտակ տունը պատասխանել էր Մասկի հնարավոր թմրամոլության մասին հարցերին։
