Ռուսաստանը մտավախություն ունի, որ Հայաստանի եվրաինտեգրացիայի խորացումը կարող
է հանգեցնել նրա օդային տարածքի փակմանը ռուսական ինքնաթիռների համար, ինչպես ավելի
վաղ արել է Եվրամիությունը։ Այս մասին հայտարարել է Ռուսաստանի փոխվարչապետ
Ալեքսեյ Օվերչուկը՝ ելույթ ունենալով Սանկտ Պետերբուրգի միջազգային տնտեսական
ֆորումի նստաշրջանում։
«Տեսեք, ներկայումս մենք Եվրամիության
հետ ավիահաղորդակցություն չունենք։ Եվրամիությունը փակել է իր երկինքը ռուսական
ինքնաթիռների համար։ Հայաստանը նո՞ւյնպես կփակի իր երկինքը։ Դե, եթե դուք միանաք
Եվրամիությանը, ապա այո, որովհետև Բրյուսելը ձեզ կասի՝ փակեք ձեր երկինքը, և դուք
կփակեք ձեր երկինքը, այլընտրանք չեք ունենա։
Եվ ի՞նչ»,- ասել է նա։
«Մենք չենք կարող դրան ուշադրություն
չդարձնել և չմտածել այդ հարցերի մասին։ Մենք այդ մասին մտածում ենք, մենք
գնահատում ենք դա»,- հավելել է Օվերչուկը։
