Դադարում եմ կատարել Մայր Աթոռ Սուրբ Էջմիածնի Տեղեկատվական համակարգի տնօրենի ու խոսնակի պարտականությունները․ Տեր Վահրամ ավագ քահանա Մելիքյան
Պաշտոնական
Մայր Աթոռ Սուրբ Էջմիածնի տեղեկատվական համակարգի ղեկավար Տեր Վահրամ ավագ քահանա Մելիքյանը գրել է.
«Սիրելի գործընկերներ, բարեկամներ և ընկերներ, ծառայակից եղբայրներ,
Շուրջ 20-ամյա ծառայությունից հետո այսօրվանից դադարում եմ կատարել Մայր Աթոռ Սուրբ Էջմիածնի Տեղեկատվական համակարգի տնօրենի ու խոսնակի պարտականությունները և ծառայությունս Սուրբ Էջմիածնին պիտի շարունակեմ այլ հանգամանքում։ Որդիական երախտագիտությունս Ամենայն Հայոց Հայրապետին՝ այս տարիների ընթացքում անձիս հանդեպ իր վստահության, մեր աշխատանքում՝ համբերատարության և հետևողականության համար։
Իմ երախտագետ զգացումներն եմ փոխանցում բոլոր այն ԶԼՄ պատասխանատուներին, խմբագիրներին ու լրագրողներին, ում հետ անցել եմ երկարուձիգ այս ճանապարհը՝ փորձելով Հայոց Եկեղեցու առաքելությունը, մերօրյա ծառայությունը, խնդիրներն ու ցավերը, հայ եկեղեցականին ավելի հասանելի ու ըմբռնելի դարձնելու մեր հասարակությանը, հանրահռչակել քրիստոնեականը։ Միշտ չէ, որ ունեցել ենք նույն հայացքները երևույթների վերաբերյալ, սակայն դա բնավ չի խոչընդոտել, որ մեր հարաբերություններում լինենք շիտակ ու ազնիվ, գործակցենք փոխվստահության և հարգանքի մթնոլորտում, գտնենք աշխարհիկի ու հոգևորի ներդաշնակեցման ուղին։ Պատրաստակամ եմ շարունակելու օգտակար լինել հոգևոր կյանքի լուսաբանման հարցերում։
Այս դաշտում ծառայությունը ինձ պարգևել է նաև բազում ընկերներ ամենատարբեր ոլորտներում, որոնց հետ իմ հոգևոր կապն ու բարեկամությունը այլևս անխորտակելի է և անկասելիորեն հարստանում է կյանքիս նորանոր գեղեցիկ դրվագներով։
Շնորհակալ եմ մեր թեմակալ առաջնորդներին, իմ հոգևոր եղբայրներին ի Քրիստոս, Մայր Աթոռի և թեմերի աշխատակիցներին արդյունավետ համագործակցության և ի պայծառություն մեր Սուրբ Եկեղեցու Տեղեկատվական համակարգի առաքելությանը նպաստելու պատրաստակամության համար։
Եվ ի վերջո, իմ ջերմագին շնորհակալությունն եմ հայտնում Տեղեկատվական համակարգի բոլոր նախկին և ներկա լծակից եղբայրներին և քույրերին, որոնց նվիրումի, նախանձախնդրության և պատրաստակամության շնորհիվ հնարավոր դարձան տարիների բոլոր իրագործումներն այս անդաստանում, արդյունավորվեց մեր թիմային աշխատանքը։
Բարի ծառայություն եմ մաղթում Տեղեկատվական համակարգի նոր տնօրենին՝ հոգևոր եղբորս՝ Արժանապատիվ Տ․ Եսայի քահանա Արթենյանին»։
«Սիրելի գործընկերներ, բարեկամներ և ընկերներ, ծառայակից եղբայրներ,
Շուրջ 20-ամյա ծառայությունից հետո այսօրվանից դադարում եմ կատարել Մայր Աթոռ Սուրբ Էջմիածնի Տեղեկատվական համակարգի տնօրենի ու խոսնակի պարտականությունները և ծառայությունս Սուրբ Էջմիածնին պիտի շարունակեմ այլ հանգամանքում։ Որդիական երախտագիտությունս Ամենայն Հայոց Հայրապետին՝ այս տարիների ընթացքում անձիս հանդեպ իր վստահության, մեր աշխատանքում՝ համբերատարության և հետևողականության համար։
Իմ երախտագետ զգացումներն եմ փոխանցում բոլոր այն ԶԼՄ պատասխանատուներին, խմբագիրներին ու լրագրողներին, ում հետ անցել եմ երկարուձիգ այս ճանապարհը՝ փորձելով Հայոց Եկեղեցու առաքելությունը, մերօրյա ծառայությունը, խնդիրներն ու ցավերը, հայ եկեղեցականին ավելի հասանելի ու ըմբռնելի դարձնելու մեր հասարակությանը, հանրահռչակել քրիստոնեականը։ Միշտ չէ, որ ունեցել ենք նույն հայացքները երևույթների վերաբերյալ, սակայն դա բնավ չի խոչընդոտել, որ մեր հարաբերություններում լինենք շիտակ ու ազնիվ, գործակցենք փոխվստահության և հարգանքի մթնոլորտում, գտնենք աշխարհիկի ու հոգևորի ներդաշնակեցման ուղին։ Պատրաստակամ եմ շարունակելու օգտակար լինել հոգևոր կյանքի լուսաբանման հարցերում։
Այս դաշտում ծառայությունը ինձ պարգևել է նաև բազում ընկերներ ամենատարբեր ոլորտներում, որոնց հետ իմ հոգևոր կապն ու բարեկամությունը այլևս անխորտակելի է և անկասելիորեն հարստանում է կյանքիս նորանոր գեղեցիկ դրվագներով։
Շնորհակալ եմ մեր թեմակալ առաջնորդներին, իմ հոգևոր եղբայրներին ի Քրիստոս, Մայր Աթոռի և թեմերի աշխատակիցներին արդյունավետ համագործակցության և ի պայծառություն մեր Սուրբ Եկեղեցու Տեղեկատվական համակարգի առաքելությանը նպաստելու պատրաստակամության համար։
Եվ ի վերջո, իմ ջերմագին շնորհակալությունն եմ հայտնում Տեղեկատվական համակարգի բոլոր նախկին և ներկա լծակից եղբայրներին և քույրերին, որոնց նվիրումի, նախանձախնդրության և պատրաստակամության շնորհիվ հնարավոր դարձան տարիների բոլոր իրագործումներն այս անդաստանում, արդյունավորվեց մեր թիմային աշխատանքը։
Բարի ծառայություն եմ մաղթում Տեղեկատվական համակարգի նոր տնօրենին՝ հոգևոր եղբորս՝ Արժանապատիվ Տ․ Եսայի քահանա Արթենյանին»։
Կարդացեք նաև
11 փետրվար 2021, 16:48
Ամենայն Հայոց Կաթողիկոսը նոր նշանակումներ է արել
3 հունիս 2021, 11:14
Ամենայն Հայոց Կաթողիկոսը մեկնել է Սյունիք և Արցախ
15 օգոստոս 2021, 11:11
Հայ Առաքելական եկեղեցին նշում է Սուրբ Աստվածածնի Վերափոխման տոնը
29 ապրիլ 2021, 17:05
Ամենայն հայոց կաթողիկոսը մեկնել է Ամերիկայի Միացյալ Նահանգներ․
27 ապրիլ 2021, 13:24
Ադրբեջանցիներն արգելել են Դադիվանքում նախապես համաձայնեցված քահանայական ձեռնադրությունը. Մայր Աթոռը դատապարտում է մերժելի կեցվածքը
23 փետրվար 2021, 17:54
Գերագույն հոգևոր խորհրդի ժողովը կքննարկի Հայաստանի և Արցախի առջև ծառացած մարտահրավերները