«Որևէ պատճառաբանութեամբ ընկերներու մասնակցութիւնը թոյլատրուած չէ». Սփյուռքին ուղղված ՀՅԴ Բյուրոյի գաղտնի շրջաբերականն ընդդեմ Հայաստան պետության
Քաղաքականություն
Այս տարվա հոկտեմբերի 28-31-ը Երևանում կկայանա Համաշխարհային հայկական գագաթնաժողովը։
Նպատակը սփյուռքի հետ միասին ընդհանուր օրակարգ ձևավորելն է։ Շուրջ 600-700 մասնակից է լինելու Հայաստանից և Սփյուռքից։ Քննարկվելու են տարբեր ոլորտներին առնչվող խնդիրներ, մշակվելու է ռազմավարություն, կայանալու են սեմինարներ, պանելային քննարկումներ։
Սփյուռքի գլխավոր հանձնակատարի գրասենյակը Սփյուռքի տարբեր կառույցների, անհատների գագաթնաժողովին մասնակցելու հրավերներ է ուղարկել, որից հետո գործին խառնվել է ՀՅԴ Բյուրոն։
Civic.am-ի ձեռքի տակ է հայտնվել Բյուրոյի կողմից Սփյուռքի տարբեր կառույցներին ուղարկված շրջաբերականը, որով վերջիններս հորդորում և պահանջում են հրավիրյալներից չմասնակցել գագաթնաժողովին։
ՀՅԴ Բյուրոն որոշել է պահանջել ընկերներից, հանձնարարել ուղեկից միություններին, իսկ գործակից այլ կառույցներին և համակիրներին խորհուրդ տալ չմասնակցել գագաթնաժողովին։
«Որևէ պատճառաբանութեամբ ընկերներու մասնակցութիւնը թոյլատրուած չէ»,- ասված է Բյուրոյի՝ ներքին կարգով տարածված շրջաբերականում։
Ամեն օր Սփյուռքի հետ համագործակցության անհրաժեշտության, կարևորության մասին բարձրաձայնող Բյուրոն, ըստ էության, պահանջում է Սփյուռքի տարբեր կառույցներից չմասնակցել այս կարևոր գագաթնաժողովին, որտեղ քննարկվելու են ռազմավարական կարևորության, Հայաստան-Սփյուռք կապի ամրապնդմանը նպաստող հարցեր։ ՀՅԴ Բյուրոն շարունակում է գործողությունները Հայաստանի Հանրապետության դեմ, այնպես, ինչպես դա անում է Հայաստանի իշխանության ներկայացուցիչների՝ տարբեր երկրներ այցելությունների ժամանակ և լռում, երբ այդ երկրներ են այցելում թուրք և ադրբեջանցի պաշտոնյաները։
Բյուրոյի՝ Սփյուռքի կառույցներին ուղարկված շրջաբերականում նշված է նաև, որ խորհրդակցել են Հայ առաքելական եկեղեցու զույգ կաթողիկոսների հետ, որոնք ևս, ըստ Բյուրոյի, խանդավառված չեն մասնակցելու այս գագաթնաժողովին։
«Բիւրոն նաեւ խորհրդակցած է Հյաց.Առաք. Եկեղեցւոյ զոյգ կաթողիկոսներուն հետ, որոնք յայտնած են թէ ներկայ պայմաններու տակ խանդավառ չեն մասնակցելու այսպիսի ժողովի»,- ասված է շրջաբերականում։
ՀՅԴ-ականները, ապրելով արտերկրում, շարունակում են հակապետական գործողությունները Հայաստան պետության դեմ՝ շփոթելով հակապետական գործունեությունը ընդդիմադիր գործունեության հետ։
Եթե Դաշնակցությունը չի հասկանում իր քայլերի և գործողությունների հակապետական, ոչ թե հակաիշխանական բնույթը, ապա իշխանությունները պետք է դա հասկանան և գործեն համապատասխանաբար, ինչպես դա ժամանակին արել է առաջին նախագահ Լևոն Տեր-Պետրոսյանը։
Վովա Հակոբյան
Նպատակը սփյուռքի հետ միասին ընդհանուր օրակարգ ձևավորելն է։ Շուրջ 600-700 մասնակից է լինելու Հայաստանից և Սփյուռքից։ Քննարկվելու են տարբեր ոլորտներին առնչվող խնդիրներ, մշակվելու է ռազմավարություն, կայանալու են սեմինարներ, պանելային քննարկումներ։
Սփյուռքի գլխավոր հանձնակատարի գրասենյակը Սփյուռքի տարբեր կառույցների, անհատների գագաթնաժողովին մասնակցելու հրավերներ է ուղարկել, որից հետո գործին խառնվել է ՀՅԴ Բյուրոն։
Civic.am-ի ձեռքի տակ է հայտնվել Բյուրոյի կողմից Սփյուռքի տարբեր կառույցներին ուղարկված շրջաբերականը, որով վերջիններս հորդորում և պահանջում են հրավիրյալներից չմասնակցել գագաթնաժողովին։
ՀՅԴ Բյուրոն որոշել է պահանջել ընկերներից, հանձնարարել ուղեկից միություններին, իսկ գործակից այլ կառույցներին և համակիրներին խորհուրդ տալ չմասնակցել գագաթնաժողովին։
«Որևէ պատճառաբանութեամբ ընկերներու մասնակցութիւնը թոյլատրուած չէ»,- ասված է Բյուրոյի՝ ներքին կարգով տարածված շրջաբերականում։
Ամեն օր Սփյուռքի հետ համագործակցության անհրաժեշտության, կարևորության մասին բարձրաձայնող Բյուրոն, ըստ էության, պահանջում է Սփյուռքի տարբեր կառույցներից չմասնակցել այս կարևոր գագաթնաժողովին, որտեղ քննարկվելու են ռազմավարական կարևորության, Հայաստան-Սփյուռք կապի ամրապնդմանը նպաստող հարցեր։ ՀՅԴ Բյուրոն շարունակում է գործողությունները Հայաստանի Հանրապետության դեմ, այնպես, ինչպես դա անում է Հայաստանի իշխանության ներկայացուցիչների՝ տարբեր երկրներ այցելությունների ժամանակ և լռում, երբ այդ երկրներ են այցելում թուրք և ադրբեջանցի պաշտոնյաները։
Բյուրոյի՝ Սփյուռքի կառույցներին ուղարկված շրջաբերականում նշված է նաև, որ խորհրդակցել են Հայ առաքելական եկեղեցու զույգ կաթողիկոսների հետ, որոնք ևս, ըստ Բյուրոյի, խանդավառված չեն մասնակցելու այս գագաթնաժողովին։
«Բիւրոն նաեւ խորհրդակցած է Հյաց.Առաք. Եկեղեցւոյ զոյգ կաթողիկոսներուն հետ, որոնք յայտնած են թէ ներկայ պայմաններու տակ խանդավառ չեն մասնակցելու այսպիսի ժողովի»,- ասված է շրջաբերականում։
ՀՅԴ-ականները, ապրելով արտերկրում, շարունակում են հակապետական գործողությունները Հայաստան պետության դեմ՝ շփոթելով հակապետական գործունեությունը ընդդիմադիր գործունեության հետ։
Եթե Դաշնակցությունը չի հասկանում իր քայլերի և գործողությունների հակապետական, ոչ թե հակաիշխանական բնույթը, ապա իշխանությունները պետք է դա հասկանան և գործեն համապատասխանաբար, ինչպես դա ժամանակին արել է առաջին նախագահ Լևոն Տեր-Պետրոսյանը։
Վովա Հակոբյան